Вредносната картичка за подарок претставува ограничен паричен еквивалент, кој Банката го издава како алтернатива на директен паричен подарок, употреблив исклучиво во продавниците во Скопје Сити Мол. Ваквиот вид на картичка е пракса во сите поголеми трговски центри во светот, а сега, за прв пат и во Република Македонија.

Со едноставното купување на картичката, го избегнувате моментот на бесцелно талкање по продавници во потрага по совршени подарок. Таа е идеален подарок наменет за секого и за секоја пригода , особено  како новогодишен подарок, подарок за роденден, свадба, деловно внимание, но и одличен начин за изненадување без посебен повод.

Картичката е со привлечен дизајн, прекрасно пакување и можност за уникатна посвета, Вашиот подарок никогаш нема да разочара и ќе ги освои срцата на Вашите сакани.

Картичката е наменета за купување исклучиво во трговскиот центар Скопје Сити Мол само во оние соодветно означени продажни места.

Со самото купување на Гифт-картичката, од експозитурите или филијалите на Комерцијална банка АД Скопје, таа е активна. Износот на картичката може да се искористи  во продажни места во Скопје Сити Мол, во рок од 6 месеци од нејзината набавка.

Состојбата на Вашата Гифт-картичка можете да ја следите преку веб страницата на Комерцијална банка АД Скопје, преку следниов линк или на сите шалтери на Комерцијална банка АД Скопје.

Картичката е достапна во сите експозитури и филијали на Комерцијална банка АД Скопје.

Гифт-каричката може да ја користи секој, независно од возраста или статусот. Таа е неперсонализирана, односно на неа нема име и презиме и ја користи лицето кое ја поседува.

Како купувач на Гифт-картичката, Вие немате никакви дополнителни трошоци, не се наплатува надоместок или провизија за нејзино купување. Таа е достапна во износи од 1000, 3000 или 5000 деанари на Гифт-картичката, и тој износ Ви го наплаќаме.

Вашата Гифт-картичка можете, да ја искористите во продажни места во Скопје Сити Мол, повеќекратно во рок од 6 месеци.

Гифт-картичката не се надополнува, затоа што таа е активна 6 месеци: Доколку сакате да продолжите да ја користите, можете да си набавите нова без надоместоци и трошоци во експозитурите или филијалите на Комерцијална банка АД Скопје.

Имајќи предвид дека Гифт-каричката е неперсонализирана, односно на неа нема име и презиме и ја користи лицето кое ја поседува. Затоа мора да бидете внимателни бидејќи губењето на картичката, значи губење на остатокот од средствата кој се наоѓаат на истата.