Електричните тротинети се совршено еколошко решение за брзо движење низ градскиот метеж. Во Скопје, покрај приватните електрични тротинети, насекаде се среќаваат и тротинети за изнајмување Бин Бин, кои граѓаните често ги користат низ градот.

„Скопје Сити Мол“, како атрактивна локација и честа дестинација, која посетителите ја посетуваат и со електрични тротинети, од неодамна добија постојка за изнајмување и за паркирање на „Бин Бин“ тротинети. Со цел да им се овозможи уште полесен и поповолен начин за посета на трговскиот центар, но и совесно користење на електричните тротинети, двете компании, „Скопје Сити Мол“ и „Бин Бин“, промотивно организираат акција: сите оние кои ќе дојдат во „Скопје Сити Мол“ со електричните тротинети на „Бин Бин“ и уредно ќе го паркираат својот тротинет на јасно означената постојка пред трговскиот центар, ќе добијат попуст од 20% на надоместокот за користењето на тротинетите. Акцијата важи и за оние кои ќе изнајмат тротинет од оваа постојка, како би го олесниле движењето на корисниците во двата правци.

Тргнувајќи од тоа дека возењето тротинет е веќе редовна рутина за брз и еколошки превоз во градот, „Скопје Сити Мол“ како општествено одговорна компанија, во рамки на оваа кампања изработи и едукативно видео за учество со електрични тротинети во сообраќајот. Целта на ова видео е да се поттикне совесното користење на електричните тротинети, како и да се совладаат основните правила за правилно возење и паркирање на електричните тротинети. Искористете ја можноста да го посетите вашиот омилен трговски центар на лесен и брз начин, а притоа да добиете 20% попуст на возењето!