Најдоброто место за шопинг и забава во Скопје слави 12 години постоење! Започнатата приказна пред 12 години секојдневно се развива следејќи ги желбите и потребите на сите посетители. Веќе 12 години посетителите на молот тука наоѓаат сè што сакаат. Со секоја година постоење, Скопје Сити Мол прераснува во место што е синоним за одличен шопинг, врвни брендови, филмски искуства и забава за сите генерации… Место каде што секоја генерација си создава свои незаборавни спомени.  

По повод овој значаен јубилеј – 12 години постоење, Скопје Сити Мол со големо задоволство го најавува тридневниот спектакл исполнет со фасцинантно роденденско шоу, попусти и многу изненадувања. Овој незаборавен настан ќе ги обедини сите категории посетители на молот, нудејќи забавна програма и активности за сите генерации со спектакуларни концерти,  неверојатни визуелни искуства, детски концерти, работилници  и многу други изненадувања! Идеален викенд за семејно дружење, забава и уживање и роденденско шопинг-доживување.

Викенд-роденденската програма што ќе ги очекува посетителите прави неверојатен спој на актери, музичари, визуелни уметници, балерини и гарантира забава во која ќе може да се пронајде секој.

Роденденското славење започнува в петок, на 4 октомври, во 19:30 часот, со неверојатно визуелно сценско шоу со спектакуларен 3D-мапинг и танцов перформанс. Несекојдневно доживување што никој нема да го остави рамнодушен. Потоа посетителите на молот на кровот на катната гаража ќе уживаат во концерт на легендарната рок-група Ареа. Вечер за паметење со спој на визуелни доживувања и незаборавните хитови на Ареа.

Вториот ден од роденденскиот викенд во Скопје Сити Мол е резервиран за нешто што посетителите ќе можат премиерно да го видат во живо! Спектакуларен концерт со омилените ѕвезди од серијата „Преспав“ во комбинација на врвни музичари и бендови. Несекојдневна комбинација на ѕвездите од „Преспав“ со специјалните музички гости: легендарните Гуру Харе бенд, дувачката атракција Brass Brothers и веселата дружина Суперхикс.

Третиот ден од роденденскиот викенд е посветен на најмалите! Забавата почнува точно напладне, кога омилените цртани јунаци Биби и Боби ги чекаат најмалите на дружба! А потоа следува музичко патување со најпознатите хит-рефрени на песничките од детскиот фестивал „Поточиња“, како и уживање со детската балетска претстава „Со Арт балет низ целиот свет“.

Покрај спектакуларната програма, посетителите на молот овие три дена ги очекуваат и многу други активности, работилници и многу изненадувања! Совршена можност за забава, дружење и шопинг со роденденски попусти!

Скопје Сити Мол слави 12 роденден! Тридневен спектакл – уживање за сите генерации! Сè што сакам!