„Вози, победи, патувај!“

Скопје Сити Мол ја објавува највозбудливата вест за сите љубители на брзината и адреналинот! Долгогодишното партнерство /меѓу Скопје Сити Мол и нашиот најтрофеен автотркач Игор Стефановски-Иџе овој пат се одбележува со предизвик во возење симулатори на 24 и 25 август.

Поделени во две категории, жени и мажи, учесниците во овој предизвик ќе се натпреваруваат во вешто и брзо возење на претходно утврдени патеки на симулатори, кои за момент ќе направат да се почувствува возбудата на големите трки на кои се натпреварува Иџе. Најдобрите во двете категории, женска и машка, заедно со своја придружба, ќе патуваат на трка во Бузет, Хрватска, во периодот од 13 до 15 септември, со вклучен превоз и 2 ноќевања.

Неодолива можност за љубителите на брзините непосредно да го почувствуваат сето она што се случува на ваквите трки, каде што возбудата е на максимално ниво. А воедно и да го бодрат Иџе до уште една победа во годинешната сезона на ридско-планински трки.

Најбрзите возачи, поделени во две категории: жени и мажи, можат да се пријават на www.skopjecitymall.mk/na-trka-so-idze. Пријавувањето се врши со пополнување на пријавата и со приложување (закачување) фотографија од фискална сметка од најмалку 1.500 денари направена во Скопје Сити Мол, во периодот од 6 до 20 август. Во предизвикот може да учествуваат само лица над 18 години. Секој учесник што се пријавил на овој начин ќе добие мејл за потврда на учеството.

Ова дефинитивно ќе биде септември за паметење за најбрзите двајца (жени и мажи) во овој предизвик што ќе го бодрат Иџе на трката во Бузет, Хрватска! Незаборавно искуство и патување што се памети засекогаш.