Европа Скопје

Веројатно доволно е да се каже дека успешно функционира на пазарот од 1882 година, за да знаете дека станува збор за “Европа“.

“Европа“ е компанија која остава свој белег на голем број генерации и тоа признание гордо го носи повеќе од 130 години, што ја прави една од најстарите компании во кондиторската индустрија на Балканот. Така, пренесувајќи го искуството и зголемувајќи го квалитетот низ повеќе генерации, таа станува она што е денес – стабилна индустриска компанија со производство од околу 5.000 тона годишно и продажба на домашен и над 20 странски пазари.

“Европа“ своите почетоци ги започнува како занаетчиска работилница за производство на бонбони, локум и слични производи од шеќер. За разлика од тогаш, денес таа е модернизирана фабрика за чоколади, вафли и бонбони која може да се пофали со своите достигнувања, a за непогрешливиот квалитет на производите, доволно говорат сертификатите за исполнување на потребните стандарди.

Ние ја одбравме довербата на нашите потрошувачи уште многу одамна, па наша цел и задоволство е тоа никогаш да не се промени.

Уживајте во вкусот кој ги поминува границите и ги надминува вашите очекувања.

“Европа” – Фабрика за задоволства